Inicio . criaturas
A sua indumentaria está baseada nunha vella chaqueta con charretas e unha carauta coa mitra decorada con ornatos vexetais, conservadas na Xironda. As únicas diferencias cos cigarróns estriban precisamente nesta decoración vexetal e na cor amarela de fondo, uniformes en todas as mitras.
Autor: Xerardo Dasarias, 2 de Abril de 2009.
Criaturas do Entroido | A Xironda
Unha das artes dos Cigarróns ou Peliqueiros consiste precisamente en mover con xeito as chocas (mornear, din nalgúns sitios), usando do propio movemento do corpo. O Cigarrón camiña sempre choutando e morneando as chocas, batendo coa zamarra nos que se cruzan no seu camiño: Non fala e nunca sacaba a carauta na rua apesar de que na actualidade sexa cousa frecuente.
Autor: Xerardo Dasarias, 2 de Abril de 2009.
Criaturas do Entroido | Verín
O peliqueiro é intocable, pódeselle berrar e aldraxalo chamándolle algún alcume ou algún segredo da súa vida, máis ninguén lle pode tocar, facer burla, ensuciar ou pronunciar o seu nome de pila. É o rei indiscutible da festa e tamén o gardián de tódolos demáis personaxes do entroido. O peliqueiro debe darse a respetar levando con dignidade e soltura o traxe.
Autor: Nieves Amado, 14 de Febreiro de 2009.
Criaturas do Entroido | Castro de Laza | Laza
O troteiro é un personaxe que ademáis de trotar polos camiños, caracterízase por unha serie de elementos estéticos. Leva un traxe de cor branca, a ser posíbel de liño, que se adorna cunhas cintas de cores que lle colgan das diferentes partes do traxe. Este, tamén leva un pano de ganchillo, cosido á camisa pola parte de atrás, á altura dos hombreiros.
Autor: David Pérez, 14 de Febreiro de 2009.
Criaturas do Entroido | Bande
A morena é en realidade unha máscara, na que un home se disfraza de vaca: trátase dunha cabeza de vaca de madeira, con cornamenta auténtica, lingua roxa de trapo e ollos de vidro, que vai suxeita a un pau longo rematado por un rabo de ristra de millo.
Autor: Nieves Amado, 12 de Febreiro de 2009.
Criaturas do Entroido | Laza
O cortexo de “Madames” e “Jalás” viaxaba dunhas aldeas a outras buscando o baile e a troula. No entroido que se facía nas aldeas de Baltar, xuntábanse os mozos tocando e bailando na aira ou no fiadeiro e acababa toda a mocidade bailando. Continuaba a festa e facían unha merenda con ovos e chourizos.
Autor: María Cándida Cid, 12 de Febreiro de 2009.
Criaturas do Entroido | Baltar | Cobres
Personaxe colorista e principal do entroido de Manzaneda. Vai bailando diante do “Fulión ou Folión”. O fai detrás da Comparsa e diante de todos os bombos, corna, aixadas, gadañas, gaita e caixa, (elementos sonoros do fulión)…
Autor: Clemente Pérez e Davide Rodríguez, 12 de Febreiro de 2009.
Criaturas do Entroido | Manzaneda | Trives
A Pita eríxese na defensora da Festa da Pita e da boa veciñanza. Chouta, brinca e corre anunciando co ruido das súas chocas e o brilo das súas cores básicas a chegada do Entroido.
Autor: Lois Pardo, 12 de Febreiro de 2009.
Criaturas do Entroido | Eiroás | Ourense | Trives | Viana do Bolo
Dous, catro, seis, oito… sempre pares, os Boteiros abren o paso dos fulións. Enmascarados co traxe regulamentario vistoso e colorista, danzan e corren. Teñen que mostrar sempre autoridade, gallardía, elegancia e virilidade. Emitindo ronquidos intimidantes, retiran ao público para facer máis vistosa a farándula carnavalesca.
Autor: Juan Antonio Pinza, 5 de Febreiro de 2009.
Criaturas do Entroido | O Bolo | Viana do Bolo | Vilariño de Conso
A Charrúa é unha máscara, mais sobre todo, é un xeito de vivir o Entroido. Co berro, “Charrúa merda crúa”, nenos e maiores provocan as “entradas” da máscara que reacciona lanzando golpes co caxato que leva na man.
Autor: Antonio Blanco, 3 de Febreiro de 2009.
Criaturas do Entroido | Allariz
Homo Ludens 2009 | Acerca de nós | Aviso legal | LSSI
